Metta og danska stjórnin fáa av at vita í exit polls

Socialdemokratiet og Mette Frederiksen standa til størstu afturgongd síðani 1901. 

Venstre fær eisini av at vita og verður yvirhálaður av Liberal Alliance og Sólbjørg Jakobsen, sum stendur til at blíva størsti borgarligi flokkur í Danmark. 

Og so stendur SF til at blíva næststørsti flokkur av øllum. 

Tað er úrslitið av veljarakanningini hjá DR, tann sonevnda exit poll. 

Kanningin skal takast við fyrivarni, men hon er ein lúsingur til Mette Frederiksen og hennara fráfarandi stjórn. 

Nógv halda, at veljarakanningarnar geva ábendingar um, at Lars Løkke Rasmussen og Moderaterne fáa ein lyklaleiklut. 

Exit Poll

Ann Mari Michaelsdóttir Strøm og Sólvit Nolsøe vænta, at Lars Løkke Rasmussen fær ein lyklaleiklut í donsku stjórnarsamráðingunum við teimum 14 mandatunum, sum exitpoll gevur honum og Moderatunum.