Frítekst tagging:
- Tíðindi, mentan og ítróttur
Einki forfólk fekk flestar atkvøður á fólkatingsvalinum
Einki forfólk fekk flestar atkvøður á fólkatingsvalinum
Bárður á Steig Nielsen fekk 229 atkvøður, Beinir Johannesen 441, og Sirið Stenberg fekk 281 atkvøður
Bárður á Steig Nielsen, formaður í Sambandsflokkinum, fekk 229 atkvøður á fólkatingsvalinum.
Mynd: Bjarni Árting Rubeksen
25.03.2026 - 07:54
Einki floksforfólk fekk flestar atkvøður á sínum lista til fólkatingsvalið í gjár.
Á sambandslistanum fekk Bárður á Steig Nielsen 299 atkvøður, og hann fekk næstflestar atkvøður eftir Onnu Falkenberg.
Beinir Johannesen fekk 441 atkvøður - tað rakk til eitt fimtapláss á fólkaflokslistanum - aftan fyri Jørgen Niclasen, Elsebeth Mercedis Gunnleygsdóttir, Símun Jóanesarson Hansen og Astrið Breckmann.
Beinir Johannesen, floksformaður, endaði á fimta plássi á fólkaflokslistanum. (Mynd: Bjarni Árting Rubeksen)
Sirið Stenberg fekk 281 og fjórðflestar atkvøður hjá Tjóðveldi. Har gjørdist undanfarni formaðurin, Høgni Hoydal, toppskorari við 1532 atkvøðum, síðani kom Jóhannis Erlendsson, og honum á baki Liljan Weihe.
Hjá Miðflokkinum fekk formaðurin, Jenis av Rana, 97 atkvøður. Partamaðurin í løgtinginum Steffan Klein Poulsen fekk 139.
Formaðurin í Javnaðarflokkinum, Aksel V. Johannesen, var ikki á listanum hjá Javnaðarflokkinum, sum hevði tveir ymsar valevnislistar til ávíkavist fólkatings- og løgtingsvalið í morgin.
Framsókn og Sjálvstýri stillaðu ikki upp.
Er kopiera
Nýggjastu sendingar í ÚV
Nýggjastu sendingar í SV
