Ráðstevna um virkna deyðshjálp

Í Føroyum er virkin deyðshjálp í løtuni bannað sambært revsilógini, men økta kjakið í okkara grannalondum ger evnið alt meira aktuelt. Tí skipa Etiska ráðið, Sjúkrarøktaretiska ráðið og Siðfrøðinevndin hjá sálarfrøðingum fyri eini almennari ráðstevnu at lýsa málið fakliga.

Á ráðstevnuni fara serfrøðingar í heimspeki, løgfrøði, læknavísindi og guðfrøði at viðgera tey mongu atlitini, ið standa fyri skotum. Tiltakið er í Løkshøll mánadagin 22. apríl frá kl. 09.00, og tað er opið fyri øllum.

Bergur Debes Joensen og Lillian Dam vitjaðu morgunsendingina: