Frítekst tagging:
- Tíðindi, mentan og ítróttur
Joe & the Shitboys: Vit mugu øll viðurkenna, at vit ikki eru perfekt
Joe & the Shitboys: Vit mugu øll viðurkenna, at vit ikki eru perfekt
Føroysku punkararnir spæla allar sangirnar á DAM EP´ini Beinleiðis úr Studio 5
Mynd: Bjarni Árting Rubeksen
29.05.2026 - 11:25
Hesa ferð vitjar bólkurin, sum, sambært punk-legenduni, Iggy Pop, er tann besti í heiminum júst nú, Joe & the Shitboys.
Punk gubbin valdi teir somuleiðis at spæla heilar tríggjar konsertir saman við sær í Bretlandi
Virðisløntu shitpunkararnir eru á altjóða konsertferðum í heilum, og tær garvillu framførslurnar, sum blanda satiriskt skemt í tónleiki við interaktivitet við áskoðarafjøldina, hava fingið mikið rós úr øllum heraðshornum.
Mynd: Bjarni Árting Rubeksen
Shitboysarnir hava spælt eitt ótal av konsertum - bæði í Føroyum men eisini uttanlands.
Fyri hetta fingu teir útflutningsvirðislønina á seinasta FMA.
Konsertferðirnar ganga soleiðis fyri seg, at teir bóka seg inn á bíligasta gistingarhús í býnum.
Eftir konsertina verður riggað av og so í bilin at koyra til næsta spælistað.Tann túrurin tekur ofta fleiri tímar, og sjaførurin er altíð Sigmund.
Mynd: Bjarni Árting Rubeksen
- Tá vit eru á konsertferð, er tað bara ein spurningur um tíð, áðrenn onkur knekkar. Soleiðis er tað altíð, sigur Fríði.
Hann leggur aftrat, at tað er ok. Vit skulu bara læra at liva við tí.
Vanliga verða tríggir sangir spældir í Studio 5, men sangirnir hjá Shitboysunum eru mangan avgreiddir eftir ein minutt ella tveir, og tí verða heldur fleiri spældir á hesum sinni.
Mynd: Bjarni Árting Rubeksen
Joe & the Shitboys hava nógvar konsertir í summar. Ein teirra, sum er partur av Summartónum, verður í Gulu Smiðju í Saltangará 12. juni
Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Joe & the Shitboys
1815243
Er kopiera
Nýggjastu sendingar í ÚV
Nýggjastu sendingar í SV
