Broyta byggi- og nýtslustig í stórum pørtum av Argjum og Havnini

Tórshavnar býráð hevur samtykt at broyta ásetingar fyri byggi- og nýtslustig í almennu byggisamtyktini fyri A1-økið í kommununi. 

A1- økið er meginparturin av Argjum og Havnini og partur av Hoyvík.

Birita Wardum

- Fleiri orsøkir eru til, at neyðugt er at hækka nýtslu- og byggistigið, sigur Birita Wardum, býararkitektur í Tórshavnar kommunu. 

Broytingarnar hava m.a. við sær, at tað slepst undan at taka bygningar niður, men heldur umbyggja teir eitt nú til bústaðir.

Hoyr samrøðu við Biritu Wardum í útvarpstíðindunum: 

Tilfar, sum lýsir uppskotið um broyting av almennu byggisamtyktini, liggur frammi á torshavn.fo og í Snarskivuni til og við 23. juni.

Møgulig mótmæli ella broytingaruppskot skulu sendast til Tórshavnar kommunu skrivliga til torshavn@torshavn.fo í seinasta lagi 23. juni 2026.