Ferðafólk eru ikki loyvd á brúnna út í Rituskorð

Ferðafólk hava einki at gera har eingin góðkend hagagøta er, tað sigur Jacob Vestergaard, landsstýrismaður, eftir at tað kom fram í tíðindunum á døgurða at nógv ferðafólk vitja brúnna út í Rituskorð í Sandvík.

Brúgvin út í Rituskorð varð bygd í 1974 til at føra seyð út í feitilendi tvær ferðir um árið. Og, eingin góðkend hagagøta er í økinum.

Kringvarpið hevur roynt at fáa orðið á fólk frá ferðavinnuni, sum lýsa við og gera túrar til brúnna út í Rituskorð. Eingin vil tosa alment við kringvarpið, men sagt verður, at talan er um eitt stað sum ferðafólk fegin vilja uppliva, tí tey síggja góðu myndirnar á internetinum. Hildi verður eisini at suðuroyingar áttu at bygt eina betri brúgv í økinum.

Hagaeigarin, Bárður Willumsen, heldur hinuvegin, at ferðavinnan átti at bygt eina nýggja brúgv út í Rituskorð. 

Hoyr innslagið úr tíðindunum: