Eingin ætlan um at seta forboð fyri bensin- og dieselbilum

Eingin ætlan er um at seta forboð fyri at keypa bilar og onnur akfør, sum brúka bensin ella diesel.

Tað sigur Eyðdis Hartmann Niclasen, landsstýriskvinna, í svari til Jenis av Rana, løgtingsmann.

Hann spurdi, hvørji ítøkilig átøk, sum tryggja, at húski við lágum inntøkum kunnu vera við í orkuskiftinum, hevur samgongan til reiðar at seta í verk.

Og nær koma tey?

Fyrsti landsstýrisfundur 2026, Eyðdis Hartmann Niclasen, myndir: Bjarni Árting Rubeksen

Frítekst tagging: 

Fyrsti landstýrisfundur 2026

myndir: Bjarni Árting Rubeksen

Eydis Hartmann Niclassen

Skal vera lættari

Í staðin fyri tær stuðulsskipanir, sum eru nú, ætlar samgongan at gera tað lættari hjá húskjum við láginntøkum at vera við í orkuskiftinum, sigur landsstýriskvinnan.

Hvussu tað skal gerast, sigur hon einki um.

Í samgonguskjalinum stendur, at samgonguflokkarnir vilja tryggja, at húski við lágum inntøkum kunnu vera við í orkuskiftinum. 

Í fjør fór stuðulin til elbilar at minka. Endurgjaldið fyri meirvirðisgjald er í mesta lagi 35.000 krónur í ár og 17.500 krónur næsta ár. Tað heldur uppat í 2028. 

Og tá skulu elbilar eisini rinda skrásetingargjald.

Stuðul til hitapumpur minkar eisini

Í fjør fór stuðulin til elriknar hitapumpuskipanir eisini at minka.

Endurgjaldið fyri meirvirðisgjald er 50 prosent í ár og 25 prosent næsta ár. Tað heldur uppat í 2028.

Í staðin fyri hesar stuðulsskipanir, ætlar samgongan at gera tað lættari hjá húskjum við láginntøkum at gera orkuskiftið, sigur Eyðdis Hartmann Niclasen.