Ætlar at menna tvílæraraskipanina í hesum samgonguskeiðnum

Tvílæraraskipanin verður ment og víðkað í hesum samgonguskeiðinum.

- Hvussu nógv, tori eg ikki at siga í løtuni.

Tað sigur Bárður á Lakjuni, landsstýrismaður, við Skúlablaðið.

Tvílæraraskipanin verður nevnd meiri enn 100 ferðir í álitinum um broytingar í fólkaskúlalógini, sum allir politisku flokkarnir vóru við til at gera.

Men enn er hon bara í fyrsta og øðrum flokki.

Har hevur hon verið seinastu 15 árini, tá millum 18 og 26 næmingar eru í flokkinum.

Bárður á Lakjuni sigur, at hann fer at endurskoða skipanina, nú næmingatalið fer niður í 22 næsta skúlaár.