ÍSF á ferð við strategiini

Hesa vikuna fer Ítróttarsamband Føroya á ferð kring landið at leggja sína nýggju strategi fram.

Strategiin undir slagorðinum 'í felag fram ímóti felags málum' varð samtykt av sersambondunum á aðalfundinum í vár, og næstu 10 dagarnar skipar ÍSF fyri tiltøkum og fyrilestrum kring landið.

Ætlanin er í stuttum at greiða fólki, sum eru áhugað og virkin í lokalu ítróttafeløgunum, frá ætlanini, og at hoyra teirra sjónarmið. 

Fyrsta tiltakið verður í Løkshøll týskvøldið, har Mark Lausen-Marcher skal hava fyrilestur.

Petur Mittún, aðalskrivari í ÍSF og Mark Lausen-Marcher, ítróttarstjóri í HSF, vitjaðu 3-2 mánakvøldið.