VIDEO: Dania pakkar fløgur inn

"Fólk vilja enn ogna sær fløgur," sigur Dania O. Tausen, tónlistakvinna, sum fríggjadagin gevur út sína aðru heildarútgávu, ið verður at fáa sum bæði pláta og fløga

Uni Leitisstein Hansen

Dania O. Tausen, tónlistakvinna, við nýggju útgávuni sum fløgu, ið hon sjálv hevur pakkað inn

Uni L. Hansen

12.09.2023 - 13:38

Dania O. Tausen, tónlistakvinna, hevur úr at gera í hesum døgum.

Fríggjadagin gevur hon út sína aðru heildarútgávu, "ja/nei - og restin av vikuni", sum verður at fáa sum bæði pláta og fløga.

"Nógv fólk vilja enn ogna sær fløgur," sigur Dania, sum hevur valt at pakka fløgurnar inn sjálv sum smáar matpakkar.

Dania O. Tausen, ja/nei - og restin av vikuni

Dania O. Tausen, tónlistakvinna, pakkar fløgur inn í bakipappír

Útgávukonsert og LEITISSTEIN

Dania O. Tausen hevur prentað 300 plátur og 200 fløgur av "ja/nei - og restin av vikuni".

Fríggjakvøldið hevur Dania stóra útgávukonsert í Norðlandahúsinum við bólki, gestasangarum og kvinnukórinum Cantabile.

ja/nei - og restin av vikuni

Men longu í kvøld klokkan 21 er Dania O. Tausen gestur í sendingini LEITISSTEIN í útvarpinum, har nýggja plátan "ja/nei - og restin av vikuni" er evnið.