Norðurlandaráðið tingfund á Hotel Føroyum

Veistluhølið á Hotel Føroyum verður í løtuni gjørt um til tinghøli, nú Norðurlandaráðið fyri fyrstu ferð í søguni hevur fund í Føroyum.

Nógvar fyrireikingar eru gjørdar, nú eitt nýtt tinghøli verður gjørt á Hotel Føroyum, har pláss skal vera fyri 87 tingfólkum umframt ráðharrum og embætisfólkum.

Tað eru danir, sum í løtuni hava formansskapin í Norðurlandaráðnum, ið spurdu, um Føroyar vildu hýsa fundinum.

- Eg síggi fram til at bjóða vælkomin, sigur Bjørt Samuelsen, løgtingsforkvinna, sum er vertur fyri fundinum.

Á fíggjarlógini í ár eru játtaðar 900.000 krónur til at skipa fyri temafundinum hjá Norðurlandaráðnum.

Norðurlandaráðið varð stovnað í 1952. Tey størru norðurlondini Danmark, Norra, Svøríki, Finnland og Ísland eru limir, umframt tey sjálvstýrandi økini Føroyar, Grønland og Áland.

Føroyar hava søkt um fullgildigan limaskap í Norðurlandaráðnum.