Tórshavn Maraton fyri tjúgundu ferð

Verkfall legði landið lamið, men onkustaðni millum 700 og 800 runnu kortini Tórshavn Maraton, sum var á skránni fyri tjúgundu ferð.

Bogi Hjalt vann kappingina hjá monnum. Rennarin úr Bragdinum lá leingi aftan fyri liðfelagarnar, Rógva Kárason og Oliver Granhøj, men yvirhálaði báðar í síðstu kilometrunum og fór um mállinjuna við tíðini 2,51.58.

Lydia í Lambanum endurvann kappingina hjá kvinnum. Hon legði seg framum beinanvegin, varðveitti leiðsluna allar 42 kilometrarnar og kom á mál í Vágsbotni við tíðini 3,35.03.