Ov fáir skjúttar til FM í bogaskjóting

Vart tú meldaður til, hevði tú samstundis tryggjað tær eitt heiðursmerki.

Bert sjey skjúttar kappaðust um føroyameistaraheitini í bogaskjóting í Havn sunnudagin, og tað er ikki nóg nógv, heldur Jóannes Poulsen, sum vann gull í compound.

 - Heilt sikkurt. Vit skuldu havt verið tað dupulta, segði royndi skjúttin úr Ørvi.

Tað er ikki óvanligt, at færri venja og kappast tey árini, tá Oyggjaleikir ikki eru á skránni, men soleiðis eigur tað ikki at vera, heldur Jóannes Poulsen.

 - Um tú hevur okkurt við bogaskjóting at gera, so skjýtur tú, sigur Jóannes Poulsen.