Bjarni Hammer vil hava suðuroyarleiðina viðgjørda

Hetta suðuroyarskipið glapp Strandferðsluni av honum í summar, tí landsstýrismaðurin valdi ikki at fara víðari í politisku skipanini um ynskið.

Tað harmast fíggjarnevndarlimurin, Bjarni Hammer, um.

Volcan de taburiente bleiv í staðin selt til Grikkalands fyri umleið 190 milliónir krónur. Fyri at tryggja sær møguleikan, at Strandferðslan eina aðra ferð í einari skjótari vend kann gera eitt skjótt keyp, so eigur politiska skipanini beinan vegin at fara at viðgera møguleikan at geva eina prinsipiella heimild, heldur Bjarni Hammer. Tí eftir hansara tykki er neyðugt at finna eina loysn á suðuroyarleiðini.

Men so er tað búskapurin. Fíggjarlógin hevur stórt hall, langtíðarhaldførið er ikki í lagið, og Búskaparráðið sigur, at bæði íløgurnar og raksturin hjá landinum eru ov høgar.