Buldring: Øssur nýggjur føroyameistari

Øssur Debess Eiriksfoss var bestur av teimum seks klintrarunum, sum kappaðust um FM í buldring í Bakalao um vikuskiftið.

Buldring er innandura klintring á veggi, har íðkararnir skulu klára leiðir, sum teir ikki kenna frammanundan.

Royndi klintrarin, Absalon Eysturoy, var fremsti avbjóðarin hjá Øssuri Debess Eiriksfoss, men hann mátti lúta fyri fyrrverandi fimleikaranum.  

Hinir fýra finalistarnir vóru Andres Jacobsen, Kristian Kruse, Hilmar Andreasen og Jónatan Nattestad.