Sissal Jóhanna skal tiga, men tað er lættari sagt enn gjørt

"Tá eg eri liðug við samrøðuna við tykkum, so skal eg tiga og ikki tosa meira, men eg dugi illa at tiga, men tað verið eg noydd til," sigur Sissal Jóhanna Norðberg Niclasen úr Havn. 

Hóskvøldið skal hon royna at syngja Danmark í Eurovision-finaluna við sanginum "Hallucination". 

Ólukku í eyga, so hevur Sissal Jóhanna fingið krím, og tað hevur eisini merkt røddina. 

"Eg havi verið hjá lækna í dag, tí røddin er viðbrekin enn. Eg fekk ein kikari inn gjøgnum nøsina og niður í hálsin, og har sóu tey, at raddarbondini eru hvít, og tað er gott og merkir, at bruni ikki er í teimum. Eg havi tað fínt, og tað skal nokk ganga."