Betri enn Google Street View

Tað er danska fyritøkan Cowi, sum eigur bilin.

Cowi hevur vent seg til føroysku fyritøkuna Munin, um at taka myndir í Føroyum. 

Myndirnar líkjast teimum flest øll kenna frá Google Street View. Myndirnar hjá Cowi verða tó tiknar javnan, og kunnu tí brúkast av kommunum, myndugleikum og fyritøkum, sum vilja fylgja við í broytingum í náttúruni og almenna rúminum, sigur stjórin í Munin, Búi Uni Jensen. 

Cowi tekur myndir í Danmark, Føroyum, Grønlandi og í Íslandi.