Norskir veljarar í Føroyum luttaka í stórtingsvalinum

Í dag verður stórtingsval hildið í Noregi. Tað eru ikki einans tey, sum búgva í Noregi, ið kunnu luttaka. Eisini norskir ríkisborgarar, sum búgva uttanlands, hava rætt at greiða atkvøðu.

Í Føroyum eru fleiri norskir ríkisborgarar. Ein teirra er Tone Kjeld, sum hevur búð í Føroyum í 47 ár. Hon fylgir enn væl við í norskum politikki og heldur tað vera týdningarmikið at luttaka í stórtingsvalinum, hóast hon hevur búð uttanlands í nógv ár.

Í kvøld fáa norðmenn at vita, um stjórnin hjá norska arbeiðaraflokkinum heldur fram, ella um høgrivongurin vinnur valið.