Undirsjóvardronur at nýta til leiting og annað

Danska sjóverjan roynir í hesum døgum nakrar undirsjóvardronur í Føroyum. Í dag vóru tær royndar á Kalbaksfirði.

- Tað er stórur fyrimunur at hava undirsjóvardronur, tá ið talan er um leiting, bjarging  og minurudding. Tær lætta munandi um arbeiðið, sigur Jan Fischer Stripp, kommendørkapteynur í donsku sjóverjuni.

Undirsjóvardronurnar kunnu fara niður á hundrað metrar dýpi og leita í upp til 10 tímar út í eitt. Tá ið tær vera tiknar upp aftur verður dáta kannað.

Til ber eisini at hava kamera á, og eitt minni økið verður kannað, ella kavarar fara niður, á eitt serliga áhugavert øki.

Norska Løva

Tað kann eisini vera ein fyrimunur fyri Føroyar at hava tílíkar undirsjóvardronur.

- Vit kunnu kanska finna meira út av vrakinum av Norsku Løvu, ella um kaðalslit er, ella vit skulu leita eftir onkrum, sigur Ove Ritter, chefsersjantur á Arktisk Kommando.