Bíligari grønmeti og blæur í matvøruhandlunum

Í dag er tað blivið bíligari at keypa grønmeti og blæur í føroysku matvøruhandlunum. Í síðstu viku varð avgjørt at frítaka grønmeti og blæur fyri MVG, og longu hesa vikuna merkist broytingin í handlunum.

Tað er tó ikki heilt einfalt at avgera, hvørji sløg av grønmeti eru fevnd av MVG-frítøkuni.

Tað var tann 9. desember, at Løgtingið endaliga tók støðu til, at blæur og grønmeti skuldu gerast bíligari. Broytingin hevur tí kravt skjótar tillagingar.