Nógvar bumbuspreingingar í Svøríki í ár

Í tíðarskeiðnum millum januar og oktober í ár hava 71 spreingingar verið í Suðursvøríki. 

Sambært Ylva Ehrlin, greinara hjá nationalu bumbuverjuni, er hetta ræðandi tal.

- Vit eru 10 miljónir fólk í Svøríki, men hetta lutfallið av spreingingum havi eg ikki sæð í nøkrum øðrum ídnaðarlandi, sigur hon.

Í desember 2018 fekk ein 18 ára gamal maður álvarsligan skaða av eini spreingin í Malmø. Nú situr hann varðhaldsfongslaður fyri sjálvur at hava roynt at aktivera spreingiløðingina í eini trappugongd í Malmø. 

Ylva Ehrlin, greinari, sigur, at fólk vita ikki, hvussu vandamikið tað er at fáast við spreingievni.