Gongst illa at semjast um veðurlagið

Gongst illa at semjast um veðurlagið
Ráðstevnan í Madrid skuldi endað í gjár, men roynt verður framvegis at finna eina semju
 
14.12.2019 - 14:53

Einki røkist fyri, at nøkur semja fæst á ST-veðurlagsráðstevnuni í Madrid.

Ráðharrar úr nógvum av heimsins londum hava verið í spanska høvuðsstaðnum í 14 dagar, og ætlanin var, at ráðstevnan skuldi endað í gjár, men hon hevur hildið fram í dag. 

Og roynt verður framvegis at finna eina semju. 

Vilja hava fleiri pengar

Tíðindamenn á ráðstevnuni siga, at fátæk lond vilja hava fleiri pengar, tí veðurlagsbroytingarnar raka tey so meint.

Og orsøkin er fyrst og fremst vakstrarhúsgass frá ríku ídnaðarlondunum. 

Ein annar spurningur snýr seg um at keypa og selja CO2-kvotur. 

Skipanin setur mark fyri, hvussu stórt útlátið av CO2 kann verða. Men londini hava møguleika at handla við sínum kvotum. 

Tað ber í sær, at fátøku londini kunnu selja sínar kvotur og forvinna pening, meðan ríku londini kunu keypa kvotur, og tí ikki hava fyri neyðini at minka útlátið hjá sær sjálvum.

Útlátið veksur

Hóast heimsins leiðarar í 2015 gjørdu eina heimsumfatandi avtalu í París, veksur útlátið av vakstrarhúsgassi framvegis 1,5 prosent um árið.

Í 2017 var útlátið tilsamans 53,5 gigatons, í fjør vaks tað upp í góð 55 gigatons.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592