Ari Behn deyður

Ari Behn, fyrrverandi maður prinsessu Marthu Louise av Noregi, andaðist í gjár 47 ára gamal. 

Ari Behn - sum var rithøvundur og listamaður giftist norsku prinsessuni í 2002. Saman fingu tey trý børn og í 2016 fór parið hvør til sítt. 

Norski kongurin segði í skrivi til miðlarnar í gjár, at tað er við stórari sorg, at tey fingu boðini um at Ari Behn er farin.

- Ari var ein týðandi partur av familju okkara í nógv ár, og vit hava nógv heit og góð minnir um hann, sum vit bera við okkum. 

Vit syrgja, nú barnabørn okkara hava mist pápa sín og vit vísa okkara samkenslu við foreldrum og systkjum hansara, sum nú hava mist ein kæran son og beiggja, sigur Haraldur kongur í skrivinum.

Ari Behn doyði fyri egnari hond.