- Tíðindi, mentan og ítróttur
Felagskvota í staðin fyri royndir og verkætlanir
Felagskvota í staðin fyri royndir og verkætlanir
Enn bara ein hugsan í Fiskimálaráðnum, eingin politisk viðgerð hevur verið, sigur Jacob Vestergaard, landsstýrismaður
Óvissa er um 40.000 tons av svartkjafti
09.04.2020 - 11:32
Tíðin er farin undan teirri ætlan at býta út 40.000 tons av svartkjafti til vinnuligar royndir og verkætlanir í ár.
Spurningurin er so, hvat tey 40.000 tonsini skulu brúkast til, so tey ikki fara fyri skeytið.
Jacob Vestergaard, landsstýrismaður í fiskivinnumálum, sigur, at hugsanin er tann, at tey 40.000 tonsini verða latin sum felagskvota til øll at fiska.
Men tey, sum hava eginkvotu, skulu fiska sína eginkvotu fyrst, áðrenn tey sleppa fram at felagsskvotuni.
Eingin politisk viðgerð hevur verið
Landsstýrismaðurin leggur tó dent á, at enn er hetta bara ein hugsan í Fiskimálaráðnum.
Landsstýrið er kunnað um hana, men eingin politisk viðgerð hevur verið, hvørki í landsstýrinum ella í samgonguni, sigur Jacob Vestergaard.
Tað krevur lógarbroyting at býta út tey 40.000 tonsini sum felagskvota, so málið skal í løgtingið.
Málið hevur skund, tí svartkjaftatíðin er nú.
Er kopiera
Nýggjastu sendingar í ÚV
Nýggjastu sendingar í SV
