Ronaldinho latin leysur úr fongsli í Paraguai

Teir verða sendir til hús og fáa útfaringarbann. 

Teir vórðu handtiknir við ólógligum passi á veg úr Brasil til Paraguai í marsmánaði. Teir hava rindað 800.000 dollarar hvør, - tað svarar til 5,4 miljónir krónur hvør, í trygd fyri at verða latnir leysir úr fongslinum.

Ronaldinho hevur havt stórar fíggjarligar trupulleikar eftir at hann gavst sum professionellur fótbóltsspælari, og tí eru fólk ovfarin av, at hann hevur rindað so stóra upphædd. 

Sagt verður, at hann skyldar 305 milliónir dollarar í umhvørvisavgjaldi, tí hann uttan loyvi hevur bygt eina bryggju tætt við húsini hjá sær við sjóvarmálan í Porto Alegre, har suðuri í Brasil.