Russland: USA hóttir friðin í Arktis

Amerikanarar hótta friðin í Aktis.

Tað sigur russiski sendiharrin í Danmark, Vladimir V. Barbin, sambært Politiken í dag.

Hann sipar til, at USA letur Grønlandi pengar, samstundis sum USA finst hvassliga at Russlandi.

Amerikanski sendiharrin í Danmark, Carla Sands, hevur sagt, at USA letur Grønlandi pengar, góðar 80 mió. kr., fyri at verja Grønland móti illsinnaðari ávirkan og tvingsli úr Kina og Russlandi.

Bróta yvirlýsing

Hetta ger USA bara fyri fáa ræðið í Aktis, skrivar Vladimir V. Barbin til Politiken. Hann sigur, at friðurin í Arktis er hóttur.

USA brýtur yvirlýsingina, sum varð gjørd í Ilulissat í 2008, sigur Russland.

Tá gjørdu Russland, USA, Kanada, Noreg og Danmark avtalu um størri samstarv í Arktis.

USA skuldsetur Russland fyri at vera ágangandi í Arktis við hernaðarligum tiltøkum millum annað.