Avataq setti met

Grønlendski trolarin Avataq hevur landað 903 tons av rækjum í Sisimiut.

Hetta er met, sigur skiparin á Avataq, Jógvan Tróndarson, í tíðindaskrivi frá Royal Greenland.

Teir byrjaðu túrin 25.apríl, og fingu tí yvir 900 tons í tríggjar vikur.

Avataq er størsti trolarin í Grønlandi. Hann er bygdur í Spania, og kom til Grønlands beint fyri jól í fjør.

24 mans eru við Avataq. Vanliga plaga rækjutrolarar at hava millum 400 og 500 tons hvønn túr.

Men trolarin Markus hevði 870 tons í síðstu viku.