Ófiskaðar menningarkvotur fluttar til í ár

Menningarkvotur, sum ikki blivu fiskaðar í 2018 og 2019, kunnu fiskast í ár.

Ein kunngerð er á veg, sum sigur, at 21.700 tons av svartkjafti, 2.600 tons av norðhavssild og 810 tons av makreli verða flutt til ár.

Tey, sum í 2018 fingu menningarkvotur í fýra ár, fáa hendan fiskin at býta í einum lutfalli, sum svarar til tað, sum ikki varð fiskað í 2018 ella 2019.

Tey, sum fiskaðu alla sína menningarkvotu ella meira enn tað í 2018 og 2019, fáa ikki lut í kvotunum, sum nú verða fluttar til í ár

Fiskurin kann fiskast í føroyskum sjógvi og í NEAFC-skipanarøkinum. 

Sildin kann eisini fiskast í íslendskum sjógvi.