Eldraøkið framvegis ikki eftirmett

Eftirmetingin er byrjað so smátt, men illa ber til at siga, nær hon verður liðug.

Tað sigur Elsebeth Mercedis Gunnleygsdóttir, landsstýriskvinna, í svari til Heðin Mortensen, løgtingsmann, um eldraøkið.

Sambært lógini um eldraøkið, sum kom í gildi 1. januar 2015, skuldi eldraøkið endurskoðast um fimm ár, og tað er í ár.

Kommunufelagið og Almannamálaráðið hava havt fundir um málið, sigur landsstýriskvinnan.

Men allir partar skulu vera við í arbeiðinum at endurskoða og taka undir við arbeiðssetningum, sigur hon.

Og illa ber til at siga, nær ein endalig eftirmeting er gjørd.