Skattaprosentið og barnafrádrátturin verða óbroytt

Skattaprosentið í Tórshavnar kommunu verður tað sama næsta ár sum í ár, tað er 19.

Og barnafrádrátturin verður sum í ár, 8.000 kr.

Uppskot um fíggjarætlan fyri 2021 verður lagt fram á býráðsfundinum í Havn í kvøld.

Ein tøknilig framskriving í juni segði, at avlopið hjá Tórshavnar kommunu næsta ár verður 133 mió. kr. Tá er Tórshavnar havn ikki tald við.

Býráðið hevur fyrru viðgerðina 29.oktober, sum er seinasti regluligi býráðsfundur fyri kommunuvalið.

Seinna viðgerð verður 26.november.