Arbeiðsbólkur ger tilmæli til landsstýrið

Kaj Leo Holm Johannesen, landsstýrismaður, sigur í svari til tingmannin Brand Sandoy, at landsstýrið hevur sett ein arbeiðsbólk.

Í honum eru fólk frá Løgmansskrivstovuni, Fíggjarmálaráðnum, Mentamálaráðnum, Almannamálaráðnum, Heilsumálaráðnum, Kommunufelagnum og politinum.

Arbeiðssetningurin er í tveimum. Í fyrsta lagi skal bólkurin, innan 14 dagar, koma við uppskotum um, hvørji tiltøk kunnu setast í verk alt fyri eitt.

Í øðrum lagi skal bólkurin koma við uppskotum um, hvat skal gerast sum frá líður. Hann skal gera eina heildarætlan um, hvussu rúsevni verða bast.