Atlantsflog og flogvøllurin fáa tilsamans 115 mió.

Nú er greitt, at Atlantsflog og Vága floghavn fáa peningaliga innspræning úr landskassanum, í kjalarvørrinum av koronukreppuni.

Atlantsflog fær 100 milliónir krónur og Vága floghavn 15 milliónir kr. 

Løgtingið samtykti í dag endaliga eykajáttanarlógina, sum heimilar landsstýrismanninum at hjálpa flogfelagnum og flogvøllinum.

Við triðju viðgerð í dag løgdu Javnaðarflokkurin og Tjóðveldi fram eitt broytingaruppskot um at játta Atlantsflogi eina hálva millión krónur aftrat teimum 100 milliónunum.

Peningurin skuldi brúkast at viðlíkahalda førleikarnar hjá uppsøgdu starvsfólkunum í Atlantsflogi.

Broytingaruppskotið varð felt.

Meiri verður at frætta í útvarpstíðindunum klokkan 18.