Prísurin á fýrverki skal vera hin sami

Av tí, at fýrverk bara verður selt í nakrar fáar dagar, ber ikki til at selja fýrverk við fyrr og nú prísum. Tað er villleiðandi marknaðarføring, sigur Brúkaraumboðið.

Fyri at selja árstíðarvøru, sum fýrverk er, við at vísa til prísin fyrr og nú, skal vøran vera seld fyri vanligan kostnað í fýra samanhangandi vikur undan eini príslækking.

Og fýrverk kann ikki seljast í fýra samanhangandi vikur, men bara í nakrar dagar. Men loyvt er at selja fýrverk sum pakkatilboð ella geva hópavsláttur, sigur Brúkaraumboðið.