3.312 fólk eru liðugt koppsett

Í gjár vórðu 168 fólk koppsett fyri koronu. 12 fingu fyrra prikið og 156 seinna. Fólk í serligum vandabólkum vórðu koppsett í gjár.

Nú eru 7.563 koppsetingar gjørdar. 4.251 eru koppsett fyrru ferð, 3.312 hava fingið seinna prikið, og eru sostatt liðugt koppsett.

Korona.fo skrivar, at koppsett verður aftur í dag og kanska eisini í morgin. Síðani verður ein stutt steðgur, meðan bíðað verður eftir meira koppingarevni, sum eftir ætlan kemur mikukvøldið.

Tað er framvegis eingin koronusmitta í landinum. 203 kanningar eru gjørdar seinasta samdøgrið, og nú eru gjørdar tilsamans 282.834 koronukanningar.