Betrideildin: Tey bestu í fjør bresta saman

Landskappingin í bestu mansdeildini hjá monnum er byrjað aftur um vikuskiftið.

Ein dystur varð spældur í gjár, og hinir fýra dystirnir verða allir spældir nú seinnapartin.

Fyrsti dysturin í landskappingini í gjár var millum EB/Streym og ÍF, og tann dysturin endaði við javnleiki, 1 - 1.

Seinnapartin í dag verða hesir fýra dystirnir spældir:

07 Vestur og B36 spæla á Dungasandi í Sørvági, B68 tekur ímóti KÍ á Svangaskarði, HB og NSÍ møtast á Tórsvølli og Víkingur tekur ímóti TB í Sarpugerði.

Dystirnir í dag byrja klokkan 15, uttan dysturin á Svangaskarði. Tann dysturin byrjar klokkan 16.

Útvarpið sigur frá fyrsta umfarinum í bestu fótbóltsdeildini hjá monnum í sendingini Bólturin, sum byrjar klokkan 15.