Skulu hvíla í minsta lagi 10 tímar um samdøgrið

Hetta er galdandi fyri fólk, sum eru 18 ár ella eldri. Sambært kunngerðini, kann hvílutíðin í mesta lagi verða býtt í tvey hvílutíðarskeið, har annað í minsta lagi skal vera seks tímar. Í mesta lagi kunnu vera 14 tímar millum tvey hvílutíðarskeið. 

Kunngerðin sigur, at sjófólk skulu hava regluliga hvílutíð, sum er so mikið long, at heilsa og trygd teirra er vard. 

Fólk, sum eru yngri enn 18 ár og ganga vakt, skulu sleppa at hvíla seg í minst 12 tímar um samdøgrið, og í minsta lagi níggju tímar í senn.