Lækni í farloyvi - starvið verður ikki lýst

Annar kommunulæknin í Sandoynni er farin í farloyvi.

Tá lækni er í farloyvi, er starvið ikki leyst, og tí verður heldur ikki søkt eftir kommunulækna til Sandoyar læknadømi.

Tað sigur Kaj Leo Holm Johannesen, landsstýrismaður, í svari til Páll á Reynatúgvu, løgtingsmann, sum spurdi, hví lækni ikki verður settur í fast starv í Sandoynni.

Tað ber ikki til, tí bæði føstu størvini í læknadøminum eru sett.

Ein kommunulækni, sum er í farloyvi, er ikki farin úr starvi sínum, sigur landsstýrismaðurin. Tí kann tað ikki lýsast leyst.