Mæla fólki til at lata seg kanna, áðrenn tey koma til landið

Frá 1. september verða fólk ikki longur kannað fyri koronu, tá tey koma til Føroya.

Í staðin verður mælt til, at fólk, sum koma uttanífrá, lata seg kanna tveir dagar, áðrenn tey ætla sær til Føroya, og síðani kanna seg aftur tveir dagar eftir, at tey eru komin til Føroya.

Tað boðar Løgmansskrivastovan frá, og heitir samstundis á fólk um at vera serliga varin, til tey hava fingið svar uppá kanningina annan dagin eftir komu.

Bárður á Steig Nielsen, løgmaður fegnast um broytingarnar, og sigur seg vóna at fólk fara at virða og halda nýggju tilmælini.