Akstovan skal nú eisini útvega prísir frá útlendskum innflytarum

Ein avgerð hjá Skatta- og avgjaldskærunevndini í fjør summar krevur, at lógin um Akstovuna verður broytt. 

Sambært avgerðini skal Akstovan útvega upplýsingar um upprunaprísir frá útlendskum innflytarum og bilframleiðarum, sum Akstovan annars einki tilknýti hevur til.

Hesa skyldu hevur Akstovan ikki sambært galdandi lóg.

Týskland og Sveis

Skatta- og avgjaldskærunevndin álegði Akstovuni at royna at útvega skjalprógv fyri upprunavirðinum á akfari frá framleiðara í Týsklandi ella innflytara í Svøríki. 

Akstovan kann, sambært lógaruppskotinum, eisini í serligum førum brúka upplýsingar í akfarsskránni til at gera eina meting um upprunavirðið, um ikki tey, sum innflyta brúkt akfar, eru før fyri at útvega skjalprógvið, sum tey annars hava skyldu til.