Útnorðurráðið viðger veðurlagspolitikk og grønt orkuskifti

Mikudagin er ráðstevnan hjá Útnorðurráðnum um veðurlagspolitikk og skiftið til grøna orku á Akureyri í Íslandi.

Korona ger, at ráðstevnan verður talgild.

Úr Føroyum halda Hjálmar Hátún, havfrøðingur, Johannes Jensen, nevndarlimur í Burðardyggum vinnulívi og Magnus Rasmussen, landsstýrismaður, fyrilestur.   

Kunngjørt verður eisini mikudagin, hvørji eru innstillað til at fáa virðisløn Útnorðurráðsins 2022 fyri barna- og ungdómsbókmentir.

Í dag hevur formansskapurin í Útnorðurráðnum fund. 

Edva Jacobsen er forkvinna í føroyska Útnorðurráðnum og Henrik Old er næstformaður.

Hini í ráðnum eru Høgni Hoydal, Heðin Zachariasen, Ruth Vang og Steffan Klein Poulsen.