Rætturin viðger mál um kynsligan harðskap

Føroya rættur viðger í dag eitt mál um kynsligan harðskap. 

Talan er um ein 37 ára gamlan mann, sum er ákærdur fyri í eitt tíðarskeið at hava misbrúkt eina gentu, tá hon var átta ára gomul.

Tað var í 2005, men málið var meldað til løgregluna í 2019.

Hetta er triðju ferð, at maðurin er í Føroya rætti ákærdur fyri kynsligan harðskap. Hann var ákærdur í 2015 og í 2017.

Í 2015 varð hann dømdur sekur, men í 2017 staðfesti dómarin, at okkurt var farið fram, men í hesum føri var ikki nóg mikið til at døma mannin.

Nú er 37 ára gamli maðurin aftur ákærdur fyri kynsligan harðskap. Dómsviðgerðin er liðug, og dómurin verður kunngjørdur næsta fríggjadag.