Russland: USA skal taka herdeildir úr Mið- og eysturevropa

Russland krevur nú, at USA tekur allar vápnaðar herdeildir úr Mið- og eysturevropa.

Russland er í dag komið við einum nýggjum lista við krøvum, sum skulu eftirlíkast, skal sleppast undan stríði um Ukraina.

Tað er russiska uttanríkisráðið, sum kemur við hesum krøvunum, skrivar Reuters.

Krav verður millum ananð sett um, at USA skal gevast beinanvegin at lata vápn til Ukraina, at vápn, sum Ukraina longu hevur fingið, skulu latast aftur, og at ukrainska stjórnin skal taka undir við Minsk-friðaravtaluni. Russland krevur eisini, at USA tekur allar sínar herdeildir úr Mið- og Eysturevropa, skrivar russiska tíðindastovan RIA.

Í desember kom Russland við fleiri krøvum til Nato og USA. USA hevur svarað, men russiska stjórnin heldur ikki, at fyrilit vóru tikin fyri russiskum áhugamálum í amerikanska svarinum.