Farmaskip rekur fyri vág og vind í Atlantshavinum

Eitt farmaskip, fermt við bilum, rekur í Atlantshavinum, eftir at eldur kom í skipið mikudagin, og manningin var tikin av skipinum, skrivar Ritzau.

Skipið, sum er umleið 200 metrar langt, rekur fyri vág og vind, eftir at manningin við tyrlum varð flutt í land í Azorunum.

Skipið rekur einar 80 fjórðingar vestur úr Azorunum, skrivar AP.

Eitt japanskt felag eigur skipið, Felicity Ace, men felagið vil einki siga um lastina.

VW leigað skipið

Týska bilfelagið, Volkswagen, sigur seg hava leigað skipið at flyta bilar úr Týsklandi til USA.

Eitt skip hjá portugisisku verjuni er komið til farmaskipið og fylgir við tí.

Reiðaríið sigur seg leita eftir einum sleipibáti, sum kann toga skipið til lands.

Tað verður lættari sagt enn gjørt, tí eingin havn á Azorunum kann taka ímóti einum skipi, sum er um 200 metrar langt, sigur Sousa Luis, talsmaður fyri portugisisku verjuna.