Tvær kærur um sexismu í løgtinginum

Á tiltakinum, sum varð sent beinleiðis úr Mentanarhúsinum í Fuglafirði í gjárkvøldið í sambandi við Altjóða kvinnudagin, upplýsti Ingilín Didriksen Strøm, løgtingskvinna fyri Javnaðarflokkin, at bæði Hervør Pálsdóttir í Tjóðveldi og hon sjálv høvdu kært sexismu í løgtinginum til formansskapin. 

Ruth Vang, forkvinna í Framsókn, tók undir við Ingilín Didriksen Strøm, tá hon segði, at sexisma er í løgtinginum.

Tær vóru báðar við í einum orðaskifti um kvinnur í politikki. 

Ingilín Didriksen Strøm segði, at formanskapurin viðger kæruna um sexismu professionelt.