Fakfeløg: Avgjøldini skulu lækka ella takast av

Fakfeløg: Avgjøldini skulu lækka ella takast av
Oljuprísurin rakar vanliga føroyingin sera meint, siga feløgini. Landsstýrismaðurin sigur, at hann fer at kanna málið
Fakfeløg heita nú á politisku skipanina um at lækka avgjøldini á olju og oljuúrdráttum, ella at taka tey av.
 
11.03.2022 - 15:07

Føroya Arbeiðarafelag, Havnar Arbeiðarafelag, Havnar Arbeiðskvinnufelag, Klaksvíkar Arbeiðskvinnufelag, Klaksvíkar Arbeiðsmannafelag, Føroya Handverkarafelag Landsfelag Handverkaranna og Føroya Fiskimannafelag hava sent áheitan á Landsstýrið og allar flokkar á tingi um beinanvegin at lækka ella taka øll almenn gjøld á olju og oljuúrdráttum av.

Tey skriva millum annað, at vit seinastu dagarnar hava sæð, hvussu prísurin á olju og bensini støðugt er hækkaður við einari ferð, sum vit neyvan áður hava sæð.

 

Rakar meint

Hesin prísvøkstur rakar vanliga føroyingin sera meint, og tá ið stórur partur av tí, sum vit gjalda fyri oljuna og bensinið eru gjøld, sum Løgtingið hevur álagt, so hevur politiski myndugleikin amboðið til beinanvegin at veita hart trongdu føroysku familjunum eina hjálpandi hond, við, í hvussu so er fyribils, at taka av ella lækka almennu gjøldini á olju og oljuútdráttum, siga feløgini.

Sum er, hevur landið álagt eitt avgjald á 2,40 kr. fyri hvønn seldan litur av bensini, 1,30 kr. í avgjaldi fyri hvønn seldan litur av diesel, og 80 oyru fyri liturin á gassolju til húsarhald. 

 

Kannar málið

Uni Rasmussen, landsstýrismaður í fíggjarmálum, sum hevur møguleika at broyta oljugjaldið, sigur, at hann ikki enn hevur fingið áheitanina. Hann sigur tó, at hann heldur, at tað er ov tíðliga at gera nakað við málið enn. Hann ætlar tó at kanna tað nærri.


 

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844