77 ára gamal maður álopin í býnum í Havn

Klokkan 2.25 í nátt var ein 77 ára gamlal maður álopin á vegamótinum Sverrisgøta - Tróndargøta.

Ein bilur steðgaði við síðuna av manninum, har tríggir mans komu úr bilinum og løgdu á mannin. Eftir øllum at døma heilt ógrundað. Maðurin var skumpaður so mikið hart, at hann datt aftur av og stoytti høvdið í. 

Teir tríggir menninir settu seg síðani aftur í bilin og koyrdu avstað.

Løgreglan leitar nú eftir vitnum, sum hava sæð hendingina, og biður tey venda sær til politistøðina, um tey halda seg hava sæð nakað illgrunasamt.