Um 60 hvalir løgdu beinini

60 hval løgdu nakað eftir klokkan tvey í dag beinini í Sandagerði í Havn. 

Sambært sýslumanninum Kristjan Martin Joensen tók sjálvt drápið einar 13 minuttir og gekk tað væl.

Tað var um middagsleitið, at fólk varnaðust eina grind út fyri Velbastað. Avgjørt bleiv at reka hana til Havnar, har hon bleiv hildin til klokkan 14.15. 

Sýslumaðurin sigur, at raksturin gekk væl, men at neyðugt var at fáa nakrar springarar úr bólkinum, áðrenn grindin gjørdi landgongd. 

Enn er ikki avgjørt hvussu grindin verður býtt. 

Talan er um fyrstu grind í ár.