- Tíðindi, mentan og ítróttur
Skúlarnir á Sandi fyrst
Nógv virksemi er á skúlunum í Sandoy, hóast næmingar og lærarar eru farnir í summarfrí.
Meginskúlin er saman við Skopunar og Sands skúla millum fyrstu skúlarnar í Føroyum at gerast partur av Skúlaneti.
Skúlarnir í Sandoy eru sostatt fyrstu skúlarnir, ið eru væl á veg at lúka nýggju høgu krøvini um KT-trygd og dátuvernd.
KT er ein týðandi partur av undirvísingarøkinum, og krøvini til trygdina hjá næmingum, starvsfólkum og skipanum eru nýliga nógv herd, skrivar skúlin.fo
Hetta kann gerast ein tíðarkrevjandi uppgáva at lyfta fyri undirvísingarstovnar. Við at veita KT-uppgávurnar út til Skúlanet, kann tíð og orka áhaldandi brúkast til at hugsavna seg um næmingar og undirvísing.
Í hesum døgum hava starvsfólk frá Gjaldstovuni, sum umsitir Skúlanet, saman við einum netveitara, verið runt á skúlunum í Sandoy og sett upp útgerð.
Skálavíkar, Sørvágs og Sjóvar kommunur og Vinnuháskúlin hava eisini gjørt avtalu um at gerast partur av Skúlaneti, og aðrar kommunur í eru eisini áhugaðar í tænastunum.