Donsk tíðindakvinna í Russlandi víst av landinum

Korrespondenturin í Danmarks Radio í Russlandi, Matilde Kimer, sleppur ikki inn í Russland næstu 10 árini.

Matilde Kimer hevur arbeitt fyri DR sum journalistur í Russlandi seinastu 13 árini, men tá ið hon mánadagin skuldu til Russlands, var hon steðgað í pass-eftirlitinum á Vnukovo-flogvøllinum í Moskva. 

Har fekk Matilde Kimer eitt skjal við upplýsingum um, at av "trygdar- og verjuávum" sleppur hon ikki inn í landið aftur fyrr enn í 2032.

Hon var síðani koyrd inn í eitt bíðrúm, haðani hon seinni var send av landinum aftur. 

41 tíðindafólk koyrd av landinum 

41 útlendskir journalistar, sum hava arbeitt fyri eitt nú BBC, The Guardian, Daily Telegraph og Sky News, eru síðani russisku innrásina í Ukraina 24. feberuar koyrd úr Russlandi, sigur danska kringvarpið. 

Matilde Kimer hevur ikki fingið nærri grundgeving fyri, hví hon er óynskt í Russlandi, men sjálv heldur hon, at Kreml kann hava stemplað Danmark sum "óvinarligt land".

- Tað kann eisini vera, tí eg altíð havið kallað kríggið fyri kríggj, og tað er ólógligt í Russlandi. Ella tí eg havi ferðast nógv í Ukraina og í russiskum øki nærindis ukrainska markinum, sigur Matilde Kimer, journalistur hjá DR.