B36 missir ikki stig

B36 fær ikki stig fyri at brúka ein spælara, sum ikki stóð á dómaraseðlinum. 

Ístaðin fær felagið bót upp á 10.000 krónur, skrivar bolt.fo.

Sunnudagin varð Ragnar Samuelsen skiftur inn í dystinum ímóti NSÍ í Hólmanum á Eiði uttan at standa á dómaraseðlinum. 

Miðvallarin kom inn í 91. minutti av dystinum, sum B36 vann 2-1. 

NSÍ kærdi støðuna til Fótbóltssamband Føroya.

Sambært bolt.fo hevur kappingarnevndin hjá FSF avgreitt málið og gjørt av, at B36 fær eina bót upp á 10.000 krónur, eins og Skála fekk í 2007, tá líknandi hending fór fram.